بالطبع قصص أطفال مكتوبة مفيدة مثل شهد والغول مناسبة لسن اربع سنوات حتى عشر سنوات..وفيه شباب وكبار بتحب قصص الأطفال وبتسمع من “تيته نوال”، حكايتنا اسمها “شهد والغول” ها تتقسم على جزئين عشان ما تزعلوا مني، وفيها شوية رعب كده على خفيف بس بعدين كان الانتصار والمكسب للشهد، اللي ها يقرأ الجزء الأول ها يتهمني بالكذب ويقول دي مش للأطفال، لكن لما تقرأ القصة كلها ها تعرف إن القصة تخلي الطفل اللي يخاف يبطل خوف.
قصص أطفال مكتوبة مفيدة وطويلة ( شهد والغول)
قرية الجدعان أو قرية الذهب
بتحكي تيته نوال قصص أطفال مكتوبة مفيدة، عن البنت الجميلة والذكية اللي كان اسمها “شهد”، أتولدت في قرية “الجدعان” سميت القرية بالاسم ده عشان كان فيه زمان عشره من الشباب الجدعان راحوا عند الجبل وبدأ يكتشفوا ويدوروا يبحثوا بالمعدات والأجهزة البسيطة لغاية ما لقو جبل ما حدش شافو سموه جبل الجدعان وبنو لنفسهم مكان تحته وفضلوا يخرجوا من الجبل ذهب ونحاس ويبيعوا وطبعاً أتجوزوا الجدعان وجابو عيال وأحفاد لغاية ما عملوا قرية كبيرة فيها 10,000 فرد من عيال وكبار وشباب وشيوخ بس الأكثر كانو من الصغار وما بين الرضع وتحت العشرين سنه، القرية دي كل اللي فيها شغالين على الجبل ده يبيعوا ويشكلوا، النحاس وفي مجموعة أتخصصت في الذهب ومنهم اللي يبيع رمل وزلط، المهم كان فيهم اللي يطلع الجبل واللي يبيع بره القرية وفي المدن والبلاد المجاورة، وقليل منهم مش أكتر من 50 فرد اللي كانو شغالين علي الأبحاث والتكنولوجيا الحديثة اللي مسؤولين عن تصليح الأدوات اللي يستعملوها أو شراء أدوات جديدة
قصص أطفال مكتوبة هادفة
التحضير إلى رحلة الندم
سكتت تيته شويه تفهم العيال والأحفاد يعني إيه أبحاث وحفر وتكنولوجيا عشان يتخيلوا الشغل كان ماشي أزاي، في يوم من الأيام عشان ما أطول عليكم اتصلت العلماء والمثقفين ببعض وعملوا اجتماع، قالوا فيه إن المعادن (الذهب والنحاس) المناجم قربت تخلص، والقرية بتكبر والناس تكتر، وبعد ما خلصوا الاجتماع أتفقو علي إن عشرة 10 منهم يطلعوا الجبل ويدورون ويبحثوا عن أماكن ما حدش دخلها قبل كده أكيد ها يلاقوا معادن ثاني ويمكن يلاقوا مناجم ذهب ونحاس في أماكن ثاني، الجبل كبيرو واسع، وفعلاً اختاروا العشرة وحددوا يوم عشان يوم وجهزوا الحاجة اللي محتاجين لها جديد، المهم ضبطوا الدنيا وطلعوا الجبل في اليوم المحدد.
قصص للأطفال مش قبل النوم شهد والغول
طلعت العشر شباب الجبل وبدأ البحث من هنا ومن هناك والأماكن اللي كانو حددوها علي الكمبيوتر وهم في حزن شديد ها يرجعوا يقولوا إيه قرية الذهب أغني القري معرضة للفقر بل وللتسول، لغاية ما فيه واحد قال إيه ده !؟ وشاور على مغاره بعيدة وباين عليها مهجوره، يالا نروح نشوف، اتجهوا كلهم ناحية المغارة المهجورة، كان الليل ها يدخل والشمس قربت تغيب عشان كده في بعضهم ومنهم أبو شهد قال خليها بكرة نبقى نرجع في النهار، لكن الشباب اتهموه بالجبن، قالو له انت من قريه الجدعان أجدادنا بدأة من هنا ودي فرصتنا ناخد نفس اللقب، دي فرصة لا تعوض، أتحمس الكل ودخلوا المغارة وهما مركزين عليها ما فيش حد شاف تحت رجلية كان شاف القدم المخيف اللي في الأرض، ونستكمل قصص أطفال مكتوبة مفيدة بالعامية (شهد والغول)
قصة شهد والغول..تيته نوال
مغارة الغول
استكمالا لـ قصص أطفال مكتوبة مفيدة وهنا دخلوا المغارة المخيفة وهما فرحانين انهم ها يدخلوها عشان يكتشفوا منجم جديد وخير جديد يكتبهم مع أجدادهم في التاريخ ويبقي لهم مكانه وسمعة حلوه.. ده كله كويس لكن انتم مش شامين حاجة! إيه الريحة دي!؟ دي ريحة معفنه يإه زي ما يكون ريحة حيوانات ميته، هي دي مقبره وآلا.. إيه؟ كل ما يدخلو تزيد الريحة و فجاءة ..شايفين العضم ده، لا دي كمان بقايا عضم، لا أنا مش مطمئن فيه حاجة جوه ما تطمنش، يا خبر إيه ده شايفين حجم القدم ده اللي ظاهر في الأرض، شوف حجمه قد إيه؟ يا نهار أبيض دي زي رجل الإنسان لكن ضخمة.. أنا من الأول وأنا خايف بقول إيه يالا نجري.. ما فيش كلام لكن وهما يجروا كان شافهم الغول؟
يمكنك أيضًا تقرأ أجمل 6 فوازير لتنشيط ألزهن مع قليل من الضحك.
وفوازير مصرية حلها سهل ليصبح ابنك بذكاء شهد
إلى اللقاء في الجزء الثاني ..نحكي قصص أطفال مكتوبة مفيدة اللي عايز يسمع الباقي يعمل أي حاجه تخليني أعرف إنه متابع عشان أكملها، على فكرة هي مش مرعبة دي فيها ذكاء من شهد يشجع العيال ويخليهم لا يخافوا.. تعجب العيال خالص وها يبطلوا شقاوة أو لما تقولي تعالوا اسمعوا حدوته شهد والغول.
أسئلة مهمة إجابتها في الجزء الثاني
- شافو إيه في المغارة؟
- شكله إيه الغول؟
- إيه مصير الكشافة لما طلع عليهم الغول؟
- هل صحيح الغول اتفق مع حد؟
- إيه اللي كان في الاتفاق؟
- فين شهد من القصة؟
- إيه اللي عملته شهد وانتصرت به على الغول اللي خوف الرجالة ؟
نستكمل معكم قصص أطفال مكتوبة مفيدة في الجزء الثاني للإجابة على الأسئلة السابقة.
التعليقات